بين تقاعد بن سليمان وتقاعد البرلماني/مصطفى بن سليمان .
يعني أنا غنخدم 40 سنة وغنبقى نساهم فصندوق التقاعد كل شهر وفاش نوصل 65 سنة غنولي نشد 2000 درهم فالشهر كتعويض تقاعد ، فسن 65 سنة غيكون فيا جميع أنواع الأمراض وجل اوقاتي المتبقية فعمري " 10 سنوات " إلى دار معيا عزراين المزيان هد العشر سنوات غنقضيها فلعب ضاما وزيارات الطبيب ونشد الصف فمؤسسة الضمان الاجتماعي لدفع شواهد الإسشفاء وكشوفات فواتير العلاج .
وغيكثر فيا النݣير وغناكل المكلة مسوسة ونحط حدايا ميكا عامرة بادوية السكر والضغط وآلام العظام والمفاصل والتهاب السحايا والبروستات ، ويلا عندي شي زهر ميتزادش عليا مصروف ليكوش .
فهديك العشر سنوات الأخيرة بعد التقاعد غنقضيها فلعب ضاما وانتظار عزراين إصفر صافرة نهاية المقابلة بهزيمة مريعة .
في الجهة المقابلة لي كين واحد البرلماني دوز 5 سنوات فالبرلمان وفحالة معاود ولاية ثانية غيبدا إشد معاش على خمس سنوات الأولى قدره 5000 درهم صافية ومعفية من الضريبة وفي حالة عاود ولاية ثانية غيشد 9000 درهم صافية ومعفية من الضريبة وغيشدها ابتداءا من نهاية ولايته طبعا مغتسناش حتى 65 سنة ، وفي حالة مات نطلبوا الله اقتلهم جميعا ، غينتاقل التعويض لأولاده وزوجته وداكشي بنسبة 50 فالمية .
من هنا ممكن نقولو بأن الوطنية ديالي وداكشي لغنستافد منها ومن خدمة الوطن لمدة 40 سنة هي عبارة عن قالب الله انفعنا به .
أما الوطنية ديال البرلماني فوضعية صعبة بقى فيا مسكين خدم منشور فوق كرسي تحت المكيف فالبرلمان وتمارة الكحلة لي دازت عليه فالحملة الانتخابية وووو .
الله اكون فعوانو مغيلعبش ضاما فجردة فالصباح والفلعشية إلعب ليبول .
الحياة غير عادلة .
وغيكثر فيا النݣير وغناكل المكلة مسوسة ونحط حدايا ميكا عامرة بادوية السكر والضغط وآلام العظام والمفاصل والتهاب السحايا والبروستات ، ويلا عندي شي زهر ميتزادش عليا مصروف ليكوش .
فهديك العشر سنوات الأخيرة بعد التقاعد غنقضيها فلعب ضاما وانتظار عزراين إصفر صافرة نهاية المقابلة بهزيمة مريعة .
في الجهة المقابلة لي كين واحد البرلماني دوز 5 سنوات فالبرلمان وفحالة معاود ولاية ثانية غيبدا إشد معاش على خمس سنوات الأولى قدره 5000 درهم صافية ومعفية من الضريبة وفي حالة عاود ولاية ثانية غيشد 9000 درهم صافية ومعفية من الضريبة وغيشدها ابتداءا من نهاية ولايته طبعا مغتسناش حتى 65 سنة ، وفي حالة مات نطلبوا الله اقتلهم جميعا ، غينتاقل التعويض لأولاده وزوجته وداكشي بنسبة 50 فالمية .
من هنا ممكن نقولو بأن الوطنية ديالي وداكشي لغنستافد منها ومن خدمة الوطن لمدة 40 سنة هي عبارة عن قالب الله انفعنا به .
أما الوطنية ديال البرلماني فوضعية صعبة بقى فيا مسكين خدم منشور فوق كرسي تحت المكيف فالبرلمان وتمارة الكحلة لي دازت عليه فالحملة الانتخابية وووو .
الله اكون فعوانو مغيلعبش ضاما فجردة فالصباح والفلعشية إلعب ليبول .
الحياة غير عادلة .
ليست هناك تعليقات:
إرسال تعليق