الاشتراكية أو الموت..!الرفيق عزيز عقاوي
الاشتراكية أو الموت..!
غادي نشرحها و بالخشيبات عاوتني...!
راه حنا الاشتراكيين لي طالبنا بتأميم وسائل الانتاج والقطاعات الحيوية : ها نتوما وقفتوا عليها ( لاسمير مثلا ) !
راه حنا الاشتراكيين لي طالبنا بعدم خوصصة القطاعات الحيوية : ها نتوما وقفتو عليها ( الصحة مثلا ) !
راه حنا الاشتراكيين لي طالبنا بتعليم ديمقراطي حداثي ،عقلاني، موحد وجيد ها نتوما وقفتو عليها ( الناس مستعدة تاكل الخرا د الجمال لانه قالها دجال ) !
راه حنا الاشتراكيين لي طالبنا بالعلمانية هانتوما وقفتو عليها ( سديتو الجوامع خرجوا لكم بمسيرات ديال "كورونا عدو الله" مثلا) !
راه حنا الاشتراكيين لي طالبنا بالاهتمام بالبحث العلمي ،ها نتوما وقفتوا عليها ( كنتسناو عباد الله القاو لنا الدوا ولا غادي نموتو مثلا )!
راه حنا الاشتراكيين لي طالبنا بالتقسيم العادل للثروة ،هانتوما وقفتو عليها (شي داير الحجر الصحي فقصر شي مابغيش ادخل للدار...لانه ماعندو دار لاش ادخل مثلا) !
راه حنا الاشتراكيين لي طالبنا بالإصلاح الزراعي ، وتوزيع الأراضي على صغار الفلاحين، و تحقيق الاكتفاء الذاتي الغدائي ... عوض المراهنة على الزراعة التسويقية ها نتوما وقفتو عليها ( الى طوال هادشي غادي نموتو بالجوع)!
الاشتراكية ماشي كفر ،ماشي الحاد ، ماشي عدمية، ماشي ترف فكري وايديولوجي ..!
الاشتراكية هي نمط اقتصادي ،فكري ، يضمن العدالة الاجتماعية ، والمساواة بين النساء والرجال ، والاخوة بين الناس، واحترام البيئة ، ورفض الحروب ، والرقي بالعلاقات الانسانية، وانصهار الفرد في الجماعة خدمة للصالح العام!
بلا الاشتراكية .. غادي نمشيو كاملين لأرواس!
تصبحون على أوطان اشتراكية.
ليست هناك تعليقات:
إرسال تعليق