قصتي مع القنصلية الفرنسية بفاس..!الرفيق عزيز عقاوي
قصتي مع القنصلية الفرنسية بفاس..!
كان ذلك عام 2012.
عطاوني رونديفو باش نشد الفيزا نهار الجمعة على 11 ونص.
كان الحال رمضان وشهر غشت .
عطاوني رونديفو باش نشد الفيزا نهار الجمعة على 11 ونص.
كان الحال رمضان وشهر غشت .
كنت هناك انا والمدام في الوقت المحدد ، فاش وصلات 11و ونص ، خرج واحد المسؤول وقال لينا :
" الناس ديال 11 ونص لي ماكايناش سميتو فهاد الائحة ارجع بحالو حتى نعيطو عليه "
قلت للرفيقة ديالي الى ماعيطوش علينا غادي نكعا !
كان قوم ربي العالمين مجموع قدام باب القنصلية!
كان قوم ربي العالمين مجموع قدام باب القنصلية!
فعلا معيطش علينا وارجع بغا ادخل للقنصلية مع الناس لي جات سميتهم فالائحة...
وانا نوقف قدام الباب وقلت للمسؤول :
" لا والو... أنا ماغديش نحيد، وما غاديش نرجع حتى تشرح ليا علاش عطيتوني رونيديفو مع 11 ونص، ورمضان، والحرارة والبعد ... ودابا غادي نرجع بلا مانعرف السبب مع العلم انه عندكم التلفون والمايل ديالي...!
الناس لي مقصيين رجعات فيهم الروح وبداو كيأيدوني ، هي تحماض ، وكاين الناس لي جاو من وجدة ومن الرشيدية بقاو فيا وخاصة لي عندهم امراض... اما انا غا توريست مستعد نقلبها لبوركينا فاصو عوض باريز ....
5 دقايق بعد ذلك وقفات الفاركونيت . نزلو البوليس لقاوني داير حلقة اذكر فيها بالتاريخ الاستعماري، وموحى احمو وجيش التحرير وحركة 20 فبراير..... وبزاف د الهدرة....
جا عندي واحد البريكادي أسمر ،غليض ، شديد... غبرة مخاطبا اياي :
" اسمع اشريف ....." قاطعته ، ونتا لي تسمع اشريف... عاد وصلتي وباغي تهدر ،تزاد معه الزايد هو اسكت ،قلت له سمع نهدر ....ومن بعد أرى ماعندك، أنا راه ولد 20 فبراير ومعول على الاعتصام هنا...!
البريكادي كون واسمع مزيان وهو اخاطب المسؤول د القنصلية ، السيد عندو الحق ،اشرح له علاش ماجاتش سميتو فالائحة مع العلم انكم عطيتوه رونيدفو...
بدا صاحبنا كيشرح ( بلا ما نعطيكم التفاصيل) الناس تفهمت بانه كان واحد النهار فيريي (férié ) هو لي شقلب الموعد.. .
بدا صاحبنا كيشرح ( بلا ما نعطيكم التفاصيل) الناس تفهمت بانه كان واحد النهار فيريي (férié ) هو لي شقلب الموعد.. .
قلت له دابا نسبيا نقدر نمشي....
البريكادي طلع نفس ووطني ، دار ايديه على كتفي وقال لي برافو عليك أسي عزيز نتا راجل ، كانت واحد الرومية كتخرج وكتبهدل فالبشر وماكاينش لي ارد عليها.... نتا بعد ردتي لنا الاعتبار....
لكن باش قودها البركادي شاف واحد المواطن سينغالي شاعل كارو وهو امشي عندو وخاطبه :
" vous êtes de quelle nationalité ? "
رد عليه صاحبنا .
" Sénégalais"
وبلهجة حادة امره البركادي :
" donc vous êtes musulman ! Alors éteignez cette cigarette ،c'est le ramadan ! "
" vous êtes de quelle nationalité ? "
رد عليه صاحبنا .
" Sénégalais"
وبلهجة حادة امره البركادي :
" donc vous êtes musulman ! Alors éteignez cette cigarette ،c'est le ramadan ! "
بغيت نحيح على البريكادي ولكن المدام بدات كترغبني وانا نكمدها ونسكت.... ولساني كيكلني ...
المهم ما رجعناش لخنيفرة ،دوزنا الجمعة والسبت والأحد بفاس ، الاثنين صبحت عليهم مع العشرة واخا ماعيطوش عليا وانا متأكد ان الفيزا مشات خلا..... ههههه
غير شافني المسؤول حدا الباب وهو اطلبنا منا ندخلو ، عطاونا 4 سنين فالفيزا ... بشااااخ !
غير شافني المسؤول حدا الباب وهو اطلبنا منا ندخلو ، عطاونا 4 سنين فالفيزا ... بشااااخ !
ولكن مامشيناش لفرنسا مشينا بالسيارة ل Malaga
و الأندلس ... باش نقلي السم ليفغانسي ...
و الأندلس ... باش نقلي السم ليفغانسي ...
رووول مامعتقانيش مع الحكارة ديال هنا ولا ديال الهيه
الصورة من Malaga.
ليست هناك تعليقات:
إرسال تعليق