حملة تضامنية مع العمال والعاملات فالمغرب..علاش وكيفاش؟
حملة تضامنية مع العمال والعاملات فالمغرب..علاش وكيفاش؟
العاملات والعمال هوما لي هازين لبلاد، هوما لي ضامنين لينا بأن الماكلة والدوا والكمامات والصابون وجميع المواد الأساسية في الحياة، هوما لي كايخدموا ويحرقوا صحتهوم وعقلهوم باش جميع الناس تعيش؛ بزاف ديال الناس ماعارفينش ومحاسينش بالدور ديال الطبقة العاملة، خصوصا فهاد المرحلة ديال الجايحة لي ضاربة العالم وضاربة بلادنا حتى هي.
المغرب ماشي غير كورونا لي ضارباه، ضارباه واحد الجايحة أخرى سميتها الشركات الأجنبية، والباطرونا (صحاب وصحابات لفلوس)، والمخزن؛ لي بغاو يفرضوا على الطبقة العاملة وعموم الناس لي كاتكدح أنها هي لي تتحمل التكلفة ديال جائحة كورونا والأزمة الاقتصادية والاجتماعية لي كاينة فالبلاد.
واخا كاينة الجايحة والحياة ديال الناس فخطر، العمال والعاملات ماحبسوش الخدمة، وبقاو خدامين باش "ماتوقفش العجلة الاقتصادية ديال لبلاد" ولكن أيضا باش ماتخسرش الباطرونا وصحاب الشكارة لفلوس، هادوا راه ماكاتهمهومش الحياة ديال الناس، هادو كيهموهوم لفلوس.
شناهي الأوضاع لي كاتعيشها الطبقة العاملة خلال الجايحة ديال كورونا؟
الأوضاع ديال الطبقة العاملة في المغرب صعيبة بزاف قبل مايكون هادشي ديال كورونا، العمال كايتستاغلوا خارج القانون، والشركات مامعتارفاش بيهوم، الناس خدامين بلا وراق وبلا حماية اجتماعية، الطرد لي كايتعرضو ليه باستمرار من طرف الشركات، الدولة مدايراش خدمتها بالعكس كاتحمي صحاب الشكارة وكاتقمع العمال فاش كاينوضوا يهدروا على حقهوم، الأجور منخافضة بزاف وما كاتكفيش العمال والعاملات للإعالة ديال الأسر ديالهوم، الحياة المعيشية غالية....وزيد عليها عرام ديال المشاكيل.
فاش جات كورونا الأوضاع ديال الطبقة العاملة زادت تعقدات وولات صعيبة أكثر، حيت الدولة ماتاخداتش إجراءات لحمايتهم، وكذلك خلات الباطرونا دير فيهوم مابغات، مكاين غير الإستغلال، وفي ظل غياب لا ديال إجراءات السلامة والوقاية من الإصابة بالوباء، ولا ديال الحماية الإجتماعية.
فطنجة العشرات ديال العمال والعاملات تصابوا بفيروس كورونا لأن الشركات ماحتراماتش الإجراءات ديال السلامة اللازمة، وهادشي هدد الحياة ديال العمال وعرضهوم للخطر، بحال داكشي لي وقع فشركة "ابتيف" للكابلاج (دلفي سابقا).
زيد عليها أن تسجلات بزاف ديال الحالات دالإصابة بالفيروس فالمعمل ديال "رونو" هاد الشركة الفرنسية لي غادي تباشر الطرد ديال 15 ألف عامل فالعالم، وباغا توقف توسيع المصانع ديالها فالمغرب. بزاف ديال العمال فالمغرب غادي يفقدوا العمل ديالهوم بسباب أن الشركات باغية تحملهوم التكلفة ديال الجايحة.
فطنجة العشرات ديال العمال والعاملات تصابوا بفيروس كورونا لأن الشركات ماحتراماتش الإجراءات ديال السلامة اللازمة، وهادشي هدد الحياة ديال العمال وعرضهوم للخطر، بحال داكشي لي وقع فشركة "ابتيف" للكابلاج (دلفي سابقا).
زيد عليها أن تسجلات بزاف ديال الحالات دالإصابة بالفيروس فالمعمل ديال "رونو" هاد الشركة الفرنسية لي غادي تباشر الطرد ديال 15 ألف عامل فالعالم، وباغا توقف توسيع المصانع ديالها فالمغرب. بزاف ديال العمال فالمغرب غادي يفقدوا العمل ديالهوم بسباب أن الشركات باغية تحملهوم التكلفة ديال الجايحة.
كذلك بالنسبة لشركة "أمانور" اللي تابعة للمجموعة الفرنسية "فيوليا" العمال ديال هاد الشركة دايرين معركة نضالية باش يتم الإرجاع ديالهوم للعمل من بعد ما تم طردهم من طرف الشركة، والسلطات الوصية همشات الملف ديالهوم: هاد العمال كايطالبوا بأنهم يرجعوا لخدمتهوم، والضمان ديال حقوقهم وكرامتهم، ومن الحق في التعويض من طرف الصندوق الوطني للضمان الإجتماعي، وضد التجويع ديال 500 أسرة لمدة تقريبا خمسة أشهر.
الحقوق ديال العمال بمصنع شركة "فوجيكورا" اليابانية في خطر، منبعد ما شعلات العافية فالمعمل لي تحرق تقريبا كامل، وبقات الحقوق ديال هاد العمل فخطر، خصوصا وأن الشركة ممكن تستاغل هاد الوضعية باش طردهوم.
أما فشتوكة آيت باها فالعمال تا هوما كايعانيو مع الشركات الأجنبية العملاقة، السلطات منعات العمال من أنهم يديرو مبيت ليلي احتجاجي أمام المقر ديال شركة "روزافلور" لي انتاهكات الحقوق ديال هاد العمال خصوصا الحق في العمل.
شركة "صوبروفيل" وقفات العمال عن العمل وماستافدوش من تعويضات صندوق كورونا فشهر أبريل، لأن هاد الشركة ما صرحاتش بيهوم عند الصندوق الوطني للضمان الإجتماعي، ووقفات العمال عن العمل وجابت وحدين آخرين من "الموقف"، حيت الشركة باغية تجري عليهوم، ومن بين هاد العمال كاين لي خدم عند هاد الشكرة كثر من 30 عام بلا ماتصرح بيهوم هاد الشركة.
شركة "صوبروفيل" وقفات العمال عن العمل وماستافدوش من تعويضات صندوق كورونا فشهر أبريل، لأن هاد الشركة ما صرحاتش بيهوم عند الصندوق الوطني للضمان الإجتماعي، ووقفات العمال عن العمل وجابت وحدين آخرين من "الموقف"، حيت الشركة باغية تجري عليهوم، ومن بين هاد العمال كاين لي خدم عند هاد الشكرة كثر من 30 عام بلا ماتصرح بيهوم هاد الشركة.
حالات كثيرة ديال العمال والعاملات على طول الخريطة ديال لبلاد، لي كايتم الطرد التعسفي ديالهم، ومكايستافدوش من التعويضات، وبقاو بدون مصدر رزق، حيت الشركات دايرة خبلة فلبلاد، هاد صحاب لفلوس، الباطرونا باغيين يستاغلو الطبقة العاملة ويمصوا دمها، ويخليوها بلا حقوق.
الباطرونا باغية العمال هوما لي يتحملوا التكلفة ديال جائحة كورونا، في حين أن للي مفروض هو العكس، الباطرونا هي لي خصها تحك جنابها وتحط لفلوس باش لبلاد تخرج من الأزمة، ماشي الطبقة العاملة والفقراء.
الباطرونا باغية العمال هوما لي يتحملوا التكلفة ديال جائحة كورونا، في حين أن للي مفروض هو العكس، الباطرونا هي لي خصها تحك جنابها وتحط لفلوس باش لبلاد تخرج من الأزمة، ماشي الطبقة العاملة والفقراء.
حنا فالنهج الديمقراطي كنظموا هاد الحملة كمبادرة بسيطة للتضامن مع العمال والعاملات فطنجة وفشتوكة آيت باها، وفعموم البلاد، لأن الأوضاع ديالهوم صعيبة بزاف، بسباب الساياسات المجحفة ديال المخزن وبسبب التغول ديال الشركات والباطرونا، جا الوقت باش نقولوا بأن الباطرونا هي لي خصها تخلص التكلفة ديال جائحة كورونا، وبأن الحياة ديال الناس أهم من الربح، وباراكا من التعريض ديال الحياة ديالهوم للخطر، وباراكا من طرد العمال وحرمانهم من التعويضات، باراكا من العمل من خارج القانون بحال شي مافية، الطبقة العاملة ماخصهاش تتحمل التكلفة ديال كورونا حيت هي ديجا خدمات ودارت كثر من المطلوب منها،
#الباطرونا_تخلص_ماشي_العمال هذا هو الشعار والهاشتاغ ديال حملة تضامنية مع العمال والعاملات فالمغرب، باش نوصلوا الصوت ديالنا، ونعبروا على التنديد ديالنا بالمعانات ديال العمال والعاملات، الحملة غاتنشر الأوضاع ديال الطبقة العاملة في ظل جائحة كورونا، وكذلك تصريحات ومنشورات ومقالات لي كاتدخل فهاد الصدد، كلنا معنيين. الباطرونا هي لي خصها تخلص التكلفة ديال كورونا.
#الباطرونا_تخلص_ماشي_العمال هذا هو الشعار والهاشتاغ ديال حملة تضامنية مع العمال والعاملات فالمغرب، باش نوصلوا الصوت ديالنا، ونعبروا على التنديد ديالنا بالمعانات ديال العمال والعاملات، الحملة غاتنشر الأوضاع ديال الطبقة العاملة في ظل جائحة كورونا، وكذلك تصريحات ومنشورات ومقالات لي كاتدخل فهاد الصدد، كلنا معنيين. الباطرونا هي لي خصها تخلص التكلفة ديال كورونا.
الحملة غاتكون فالصفحات والمواقع الإلكترونية والمنصات ديال النهج الديمقراطي وعموم الحسابات والمنابر ديال مناصري ومناصرات الطبقة العاملة.
ليست هناك تعليقات:
إرسال تعليق