واش الخناشي د الميكا غلاو ف 2018 ؟؟؟؟ الفوسفاط....الرفيق الحسين العنايات - مدونة نور الدين رياضي للعمل السياسي والنقابي والحقوقي

أحدث المشاركات

الجمعة، 21 أغسطس 2020

واش الخناشي د الميكا غلاو ف 2018 ؟؟؟؟ الفوسفاط....الرفيق الحسين العنايات

واش الخناشي د الميكا غلاو ف 2018 ؟؟؟؟
الفوسفاط....
المغرب عندو 75 بالمائة ديال مدخرات العالم....
كولش غ يتسالا لو الفوسفاط من هنا 25 عام من غير المغرب بووحدو....
زعما المغرب يبقى ناسع ويجيو الناس يدقو علية وجيبو معاهوم الخناشي ديالهوم ويخلصو قبل ما يعمرو....
زعما الفوسفاط ما فيهش منافسة....
ماشي بحال صناعات السيارات خاصك تقلب على الكليان وتستثمر ف الدول الاخرى باش تكون عارف السوق ويكون عندك فيه نفوذ.... ويكنوا عندك ممثلين الخ ..... وتشري المدخلات (البياس)لي ما تتصنعاش ....زعما بزاف د المصاريف....
ودابا علاش مكتب الشريف د الفوسفاط تيتسلف؟؟؟؟
وخا تجيب لي السخوصا د الاقتصاد و المحاسبيا ما تدخلي للراس....علاش تيتسلف؟؟؟؟
حيت المكتب الشريف د الفوسفاط التعقيدات ف البيع لي عندو اقل بكثير من التعقيدات لي عند مول الحانوت ...
مع الحوانت كثار... وهجم مرجان وبيم والسلام وكارفور على الرزق ديالو اليوم.... خاص ضروري يببع بالكريدي للموظفين والاجراء والعمال...
ديك "ممنوع الطلق والرزق على الله" لي معلق غير باش يسد بها على شي وحدين تيبان فيهم غ ياكلوه....
هاذ مول الحانوت باش تكون عندو السلعة دائما ومايمشيوش عليه الكليان خاصو ضروري يتسلف حيت فلوسو ما غ يشدهوم حتى الاخر الشهر او الكانزا....
المكتب الشريف د الفوسفاط ما عندوش هاذ المشكل 1مليون و200 الف هكتار د الاراضي المسقية خاصها عل الاقل 4 قناطر د لانكري في العام.... 5 مليون هكتار البورية د الزرع وفرينة.... خاصها عل الاقل قنطار ونصف د لانكري ف العام .... هادي فلوس تيدخلها ف مدة شهر ويقول مول المليح باع وراح.... وعلاش كيدير كريدي؟؟؟؟ هنا ضروري من توضيح داك الدعم د الدولة لي تيهضر الدولة فيما يتعلق بالبذور المختارة والاسمدة فالثمن ف المغرب يقارب الثمن ف فرنسا التي لا تدعم فلاحيها الا بعد تسويق المحصول....
بالنسبة للتصدير سبق قلنا راه الناس يجوبو خناشيهوم.... اوعلاش كريدي بالدولار؟؟؟؟؟
في 2018 غير ف التصدير دخل المكتب الشريف 5 مليار و800 مليون دولار... ولكن قاليك الربح الصافي هو غير 586 مليون دولار
حيت قاليك المدير ديالو خلصوا الدين لي عليهوم ب 3 مليار و600 مليون دولار
واش الخناشي د الميكا كانوا غاليين ف 2018 ؟؟؟؟؟؟؟؟؟


ليست هناك تعليقات:

إرسال تعليق