جمعية بورود البلجيكية لـ” كود”: غادي نوقفو جميع معسكرات التطوع ف المغرب و 3 متطوعين من بين 37 بغاو يرجعو حالا لبلجيكا بسبب الرعب من التعليقات

كود-بروكسيل//

قالت جمعية بورود البلجيكية اللي كترسل متطوعين للمغرب من الشباب مابين 15 و 18 سنة بتنسيق مع جمعيات محلية انها باستشارة مع سفارة بلجيكا ف المغرب و وزارة الخارجية البلجيكية قررو يوقفو جميع اعمال التطوع ف المغرب

هادشي بعدما تعرضو ليه هاد الاطفال و الشباب من تعليقات مسيئة ف الفايسبوك و تهديدات داعشية وصلت لحد تعليق بقطع الرؤوس و تعليق مسيء من طرف برلماني من البيجيدي اعتبرهم جزء من مؤامرة ما على الاخلاق و الاسلام..

وقال مصدر من الجمعية لكود ان المتطوعين االلي كاينين دابا فالمغرب كايحرسوهم الدرك الملكي ف دوار ف تارودانت بعدما بلغوهم الاباء خوفهم على ولادهم بعد التهديد بقطع الرؤوس ..وقال ان عدد المتطوعين حاليا 37 منهم 3 بغاو يرجعو جالا بعدما انتباتهم حالة فزع و ان فريق من السفارة البلجيكية كايتبع امورهم ..

وصف المدون

أخبار عاجلة