من مقامات بديع الزمان الهَمْ ادّاني المقامة الإخوانشية/الرفيق عبد الرحيم التوراني
من مقامات بديع الزمان الهَمْ ادّاني
المقامة الإخوانشية
حدثنا حمدوش بن خنشوش ولد الكنبوشة، عن البولتيكْ والتونوعير والإخوانشية، فتململ فوق بغلته وعوّج الطاقية، وقال متكلما بالصواب والمفهومية:
- الإخوانشية هي أعلى درجات التطرف والإخوانجية، كلها فساد ونهب وهمجية، وظلم بلا حساب بلا مرجعية، وشوية لربّي وبوكو تحرميات ديال لحرامية وتنوعير وبلطجية، بالحداثة المزوقة وبالليبرالية المتوحشة الحيوانية، مدردرة بالأصالة والعصرونية، مسلوقة بمصارن الميزيرية، الإخوانشية ها هيا جايا ع النبورية.. جارّة وراها مْراودْ مْهرهرينْ مسرولين في شراوط المخازنية، هازين كرش منفوخة بكونتربوند الاشتراكية، بزيت الشحمة الشعبية مقلية...
احنا ما نديرو فرزية، كيف الشلح.. كيف لعروبي، كيف اريافة.. كيف صحراوه، كلهم كلهم خاوه، الزرواطة عليهم كاملين والهراوة.. كلهم واحدة سوا سوا.. ما يحتاج حد يتشطر أو يتّاوا..
ثم ترجل ولد الكنبوشية ووقف وسط الحلقة ودار، فسأله لحّاسْ بن عياش بن نبّارْ:
- واللي نعاماسْ دوا وتكلم..؟
كان جواب القايد حمدوش.. بالمازوط مرشوش:
*..دابا يرعف..
- واللي نعاماسْ دوا وتكلم..؟
كان جواب القايد حمدوش.. بالمازوط مرشوش:
*..دابا يرعف..
- واللي فاق وعاااق .. ؟
* ..دابا يزْحافْ ويُعوَاااقْ.
* ..دابا يزْحافْ ويُعوَاااقْ.
- واللي سخن عليه راسو.. ؟
* دمو يتمص ويتحد باسو.
* دمو يتمص ويتحد باسو.
- واللي ما عجبو حالو.. ؟
* يشرب البحر ونغطيوه بدفالو.
* يشرب البحر ونغطيوه بدفالو.
- واللى نعاماس واللي واللي واللّي ..؟
* اعطيوه باش يحللى.. وباش يزيد يدوخ ويولف ويتللي..
* اعطيوه باش يحللى.. وباش يزيد يدوخ ويولف ويتللي..
- واللي نعاماسْ ما مْبرَبيش ومعوج قبّو..؟
* نربيوْ دين ارباب ربّو..
* نربيوْ دين ارباب ربّو..
- واللي رافض يكون معانا.. ؟
* طحنو دين امو.. وها الروح مشاتْ عند مولْ لامانا.
* طحنو دين امو.. وها الروح مشاتْ عند مولْ لامانا.
- واللي بغا حقوقو..؟
* نغبرو دين امو في خروقو.. نديرو فيه شرع يدينا، البلاد لينا.. حنا مواليها وهي لينا..
* نغبرو دين امو في خروقو.. نديرو فيه شرع يدينا، البلاد لينا.. حنا مواليها وهي لينا..
- واللي بغا يخرج على الصف..؟
* ضربو ربّو مع الأرض حتى يتلف.
* ضربو ربّو مع الأرض حتى يتلف.
وزاد القايد السي حمدوش بن خنشوش:
- هذي بلاد العياشة، شعب المزلوطين والبطالة والفراشة، ليشاشرا مكيفين ومقرقبين وحشاشة، بلاد الفقر والتفقير والهشاشة، بلاد البركاكة واللحاسة والنياشة.. واللي جات فيه يكمدها ويغني أنا ماني فياش.. قصيدة الفيّاشة .. وطلقو علينا هذيك الغوباشا.
راه ما كاين غير مولانا وأنا.. وأنا ... بيكم نبداوْ عليك يا مولانا...
وااا فينكم يا أولادْ الحياحة، انتم عليكم بالتّحْياحْ.. وأنا ما تسالوني غير التمياحْ..
وسأله صحفي من قناة "الحصلة":
واللي شادّو الجوع والهيمري..؟
فرد عليه القايد زربان ويجري:
- خاصو يعرف باللي المكتاب ما فيه رجوعْ..
ويعرف بما بينه وبين الواحد القهار.. يستغفر الله ويطلب السترة يا ستار.. ويتفكر نْعايم الجنة والحوريات الأبكار.. والبارات عامرة ويسكي وبيرة وروج وبالريكار.. كلها في جنة تجري من تحتها الأنهار.
- هذي بلاد العياشة، شعب المزلوطين والبطالة والفراشة، ليشاشرا مكيفين ومقرقبين وحشاشة، بلاد الفقر والتفقير والهشاشة، بلاد البركاكة واللحاسة والنياشة.. واللي جات فيه يكمدها ويغني أنا ماني فياش.. قصيدة الفيّاشة .. وطلقو علينا هذيك الغوباشا.
راه ما كاين غير مولانا وأنا.. وأنا ... بيكم نبداوْ عليك يا مولانا...
وااا فينكم يا أولادْ الحياحة، انتم عليكم بالتّحْياحْ.. وأنا ما تسالوني غير التمياحْ..
وسأله صحفي من قناة "الحصلة":
واللي شادّو الجوع والهيمري..؟
فرد عليه القايد زربان ويجري:
- خاصو يعرف باللي المكتاب ما فيه رجوعْ..
ويعرف بما بينه وبين الواحد القهار.. يستغفر الله ويطلب السترة يا ستار.. ويتفكر نْعايم الجنة والحوريات الأبكار.. والبارات عامرة ويسكي وبيرة وروج وبالريكار.. كلها في جنة تجري من تحتها الأنهار.
صفق الحاضرون حتى أدمعت عيونهم.. ورددوا جميعا نشيد الحزب:
اللي تهرس.. ها لكرارس
اللي بغا اللامة يتعامى
تحزموا وكونوا رجالة
يا ودي كونوا عوالين
فين أيامك أ ميلانو
وفين أيامك أ الطاليان
كان موسم ولا قطران
و فين أيامك آعصمان
اكدات النار بلا دخان
ورا المزاليط كيف الذبان
ورا الفيدورات حابسين البيبان.
اللي تهرس.. ها لكرارس
اللي بغا اللامة يتعامى
تحزموا وكونوا رجالة
يا ودي كونوا عوالين
فين أيامك أ ميلانو
وفين أيامك أ الطاليان
كان موسم ولا قطران
و فين أيامك آعصمان
اكدات النار بلا دخان
ورا المزاليط كيف الذبان
ورا الفيدورات حابسين البيبان.
ليست هناك تعليقات:
إرسال تعليق