تدوينة للرفيق الحسين العنايت
تدوينة للرفيق لعنايت بالخوشيبات
------------------------------------------
شوف أ فلان ما حدك ما قاريش غ تبقى ديما تطبل لهاذاك لي ما قرّاكش....
شوف غير خوتك ف الامارات وقطر والسعودية.... الخيرات لي مدفقة عليهم من تحت الارض.... دارو بها شي حاجة؟؟؟؟ والو حيت لي حاكمينهوم ما قراوهومش
شوف غير كوريا الجنوبية ما عندهوم بترول ولا فوسفاط ولا جوج بحورا ولا ذهب ولا فضة وهوما غير 56 مليون د بنادم الصغار والكبار ومشبعينك طوموبيلات و تليفزيونات وتليفونات ودوايات وزيد وزيد حيت قاريين
دابا جاب ليك الله ملي يجيوا عندك خوتك الصهاينة من فلسطين غ تولي متقدم ومحترم بحال اليباني او الكوري او الصيني؟؟؟؟ ومجلس الامن غ يقول ليك صافي نحيدو عليك المينورسو....؟؟؟؟
راه وخا يجيبو ليك لوزينات والبنكات والتكنولوجيا من الشرق ومن الغرب ويخويوا ليك افريقيا كلها من السكان ديالها ويحطوها بين يديك ما غ دير بها والو وغ تبقى ديما مزلوط ..... حيت ما قاريش....
ليست هناك تعليقات:
إرسال تعليق