يا شوية تجار دين سفلة ضربتوا الامان الاجتماعى لبلدنا
يا سعادة القاضى، انا جايب ابنى النهاردة المحكمة علشان اثبتلك ان كلامى اتفهم غلط ، بص لابنى اللى واقف جنبى كدا كويس وانت تعرف ان انا راجل سبور وكلامى كله فشنك وحلاوة روح مش اكتر واللى بيتقال عليا دا اشاعات
يا سعادة القاضى انا و٥٠٠ بصمجى عاطلين عن العمل مسمين نفسنا علماء اعلننا فتح باب الجهاد فى سوريا، بس انا ابنى اللى واقف قدامك دا مراحش، ولا ولاد الحوينى راحوا والواد معز مقضيها جوازات من الحلوى المكشوفة وعمرو خالد بيعمل اعلانات عن الفراخ وعبد الله رشدى بيلم فلوس اليوتيوب وامير منير بيعمل كورسات تنمية بشرية ومحمد حسين يعقوب مقعد ولاده يتعلفوا جنبه من الدعوة
اعمل ايه للبهاليل والمهاطيل والمهاويس اللى صدقوا وراحوا
شالوا السلاح فى سوريا وهاجموا جيشهم فى مصر!؟
انا طالبت الشباب بلبس جلابيب العربااا*ن وشددت على تقصير الثوب، بس الواد ابنى زى ما انتوا شايفين لابس براحته جينز محزق من بتاع الكفار
انا صرخت على الشاشات باطلاق اللحية كسنة مؤكدة، انما الواد ابنى اسمالله على مقامك يا سعادة القاضى بيقلد المسلسلات التركى وحاطط چيل على شعره ولابس الساعة فى الشمال
يا شوية نصابيين ياللى نصبتوا على بلد بالكامل وجرجرتوها للتخلف والقبح والتعصب
يا شوية تجار دين سفلة ضربتوا الامان الاجتماعى لبلدنا ،مليتوا العقول بارهاب فكرى ومسختوا الشخصية المصرية وقتلتوا فيها روح التسامح والفكاهة وقبول الآخر، مليتوا شوارعنا نقاب ودقون وميكروفونات و عادات قبلية ، حرمتوا على الناس معايشهم وطالبتوهم بالزهد وروحتوا تركبوا عربيات فارهة وتسكنوا القصور وتنتفخ جيوبكم بالبنكنوت على قفا اللى صدقوكوا!!!
ليست هناك تعليقات:
إرسال تعليق