8 ماي *حميد ايت يوسف
8 ماي
تاريخ فالذاكرة يبقى منقوش
يوم خرجو لينا من جحورهم مالين لكروش
هجمو علينا هجمة لوحوش
سلمونا لسيادهم وما حشموش
قالو ليهم سدو عليهم البيبان باش ما يخرجوش
وماكرهناش تغبرو ليهم الأثر باش ما يفضحوش
السر اللي بينا وولي كلشي مفروش
بأن حنا عبيدكم وعلى فراقكم ما نقدروش
راهم لينا وليكم ما يصلحوش
عازمين يخرجو من لبلاد جاك وفرنسوا ومايرجعوش
ونتما عارفين بلا بيهم ماتصمدوش
ماتقدمو ماتأخرو وفالسياسة ما تعرفوش
عازمين يساويو بينا وبين لمزالط وهادشي فكتوبهم منقوش
وخا تطول عليهم المحنة ماكيملوش
ويبقاو حتى يهدمو بنيانكم ويزلزلو لعروش
أوراكم اعدمتوهم ف73ومايأسوش
مالين لكروش ماكدبوش
حنا من طينة الناس اللي ماكيخفوش
ومع صحاب لكروش وسيادهم ما كيتعتقوش
سديتو علينا بيبان لعلو وما فلحتوش
لأن مافينا حد مغشوش
و اللي ضعف وهزل بينتنا به ما نقبلوش
فخير بلادنا ما نسمحوش
غدا نوزعوه على هلها وما نغشوش
حميد ايت يوسف
ميدلت في 7 ماي 2013
ليست هناك تعليقات:
إرسال تعليق